CYMA-in YMA general conference agenda tur an thlifîm : YMA General Conference agenda turte

YMA rorelna sang ber dawttu, Central Coordination Committee (CCC) chu nimin khan Central YMA hall-ah an ṭhu a; kumin October 17-19 chhunga YMA General Conference neih tura agenda turte an thlifim. Meeting hi CYMA president Lalbiakzuala'n a kaihruai a, CCC member 210 an kal.

YMA General Conference agenda turte

I. YMA KHAWIH

1.Mizo léngkhawm khawhar hla kan neihte hi ṭhangtharte'n a thlûk kan hriat reng theihna turin solfa-a a thlûk dan dah a nih theih nan CYMA-in hma la rawh se.

2.Hlo túr leh rannung thahna hlo kan hman dan hi fimkhur tak leh a nihna tur ang taka hman a nih theih nan a ṭul anga hmalak ni se.

3.Ruihhlo ngaite chhanchhuahna tur rehabilitation centre ṭha leh changtlung tak neih a nih theih nan CYMA-in hma la rawh se.

4.Mizoram chhunga central leh state institution hrang hrang awmah Mizote'n seat tam zawk kan chan theih nan CYMA-in hma la rawh se.

5.Mizoram hmun hrang hranga inkalpawhna kan neihte hi tun aia ṭha leh changtlung zawka siam a nih theih nan CYMA-in hma la rawh se.

II. SORKAR KHAWIH

1.Tun aia kan lo intodelh theih zawk nan thingtlang aṭanga thlai thar Aizawl khaw chhunga zawrhna tur sorkarin ngaihtuah rawh se.

2.Mizoram leh Bangladesh ramri khauh taka venhim a nih theih nan sorkar ngen ni rawh se.

3.Dan lo anga din, Chakma Autonomous District Council (CADC) hi dan anga ṭhiah a nih theih nan CYMA-in hma la rawh se.

III. KUMPUAN RAWTNA

1.Ram leh hnam humhalh

2.Zirna uar

3.Ruihhlo do