Manipur-a Atom Khuman khua chu hmarchhaka solar village hmasa ber atan puan a ni. 
Image result for Atom Khuman

Atom Khuman hi Imphal West District huamchhunga awm a ni a, in 30 awmin, mihring 150 an cheng a ni. He khuaah hian ni chakna hmanga siam eng chhit vek a ni a, hmarchhaka solar village hmasa ber atan puan a ni ta a ni. Solar power project hi Mangaal Rural scheme hnuaiah kalpui a ni a, he projcet kalpui tur hian he khuaa chhungkaw tin te chuan ni tin cheng 18 an thawh ṭhin a ni. Project hi tun hnai khan zawhfel a ni a, in tinah solar lighting system mumal tak bun vek a ni. Mimal in bakah hian temple, primary school, street leh playground-ahte solar hi bun leh vek tuma hma lak mek a ni bawk. 
Project hi February 9, 2016 khan ṭan a ni a, cheng nuai 5 vel sen ral a ni.  Heng sum te hi pawl leh chhungkaw tin ten an thawhkhawm a ni. Mangaal Rural founder SurjitNingthoujam chuan project hlawhtling taka an kalpui thei chu lawmawm a tih thu sawiin, khaw dang tan pawha entawntlak tak a ni,a ti. Sum tam tak sen ngai loa eng chhit theih chu a hlu hle tih sawiin, power indaih lohna sukiang tura thil ṭangkai tak a ni, a ti. Manipur-ah hian Mangaal Rural hian khaw hrang hrangah project hi an kalpui mek bawk a ni. 

Post a Comment

Powered by Blogger.