I TLAI LUA - CFL Hmingthanga

I TLAI LUA

Hmangaih luat vangin rel thang dawn zo lo hian,

I tawnah ka thinlung chhung hmangaihna;

Kim ten hrilh turin in run ka lo lawi a,

Lunglai beidawn nan mai ti hian min lo chhang a.

"Nang nena e Maruat, tuahrem zai rel tur chuan, 

Phengphehlepa khua a tlai lua a ni e,"

Tiin ka tan i remlohna anka dengkhawng chu 

Min hlan ta si maw ka thinlai a na vawng vawng.

I pianpui thinlung hmangaihna rinawm chu,

Chan in beiseiin aw ka rawn pan che;

Mahse i thinlung ngaihtuahna ram chuanin,

Hmangaiha zawngtu che lam reng a hawi si lo.

Ka duh ber mai leh hmangaih ber nang chuanin,

I zun ngai ka chan min dawnpui lo hian;

Ka thinlung chu e chhun angin i hliam si maw,

A riang hmangaihna a tlawm lua a ni e.

Hringnun hmangaihna beidawnna lamtluangpui,

Zawh mektu kei hi tunge min hnem anga;

Tunge min tuarpui thiam tawh ta ang le aw?

Hringmi hmangaihna ka tan i pam lua e.

Hun leh ni her zel hian i tawnah hmangaihna,

Her liampui thuai se thinlai lungdam nan;

I tana tling lo hian thinlung tap chung zelin.

Ka thlahliam mai ang che lengdang tang bel turin`