MATE LO ZIN VE RAWH
Thuin ka hril thiam lo kan tlang ram mawi chu,
I chhingmit ngeiin hmu ve la ka ti;
Pi leh pu sulhnu parmawi tin vulna,
I fan ngai loh ram lungchimte’n ka fan pui nang che.
Thiam ten dil la i chun leh zua,
Hmangaihna vang chuan an hnial ngam dawn emni?
Sikul chawlh hun chuan kan vang khawpui mawi,
Hmu ve turin hellai Mate lo zin ve rawh.
I lo zin chuan e kan vangkhawpui bawmtu nauban
Parmawi ber ka thliah che ang a,
I nungchang mawi leh i hmelthat vang hian
Ka thian hluite paw’n an en duh dawn em che asin.
Chhaktiang hringnun hian i lunglen ve maw?
I sakhmel mawi lawmin hraichawi zaleng zawng ten,
Kan run lo lawiin an en ning lo’ng che;
I thlir bang lo’ng e lam ang let hian ka ring lo che.
Post a Comment