Mizoramah film chhuak thar a awm ve ta reng a, film siamtute leh changtute an inelna turin film award siam a ni dawn. Film award hi Department of Information and Public Relations leh Mizoram Film Development Society (MFDS) tena an siam tur a ni.
 |
| Representational |
Mizo Film Award 2017 sem turah hian category hrang hrang awm turte pawh ruahman nghal a ni a, a tum ber chu Mizo film industry chawikân a ni. He award atan hian kum 2012 hnu lama siam Mizo film-te thehluh theih a ni a, Mizo film tih hian khawi hmuna mi pawh a huam. October 20 thleng khian film hi thehluh theih a ni a, hriat chian duh neite tan Nodal Officer, Films Development, Dept. of I&PR leh Mizoram Film Development Society hruaitute hnenah chanchin chiang zawk zawh fiah theih a ni.
Category hi 17 a awm dawn a, feature film, documentary film leh short film-te pawh a leng vek dawn a ni. Category hrang hrang awm turte hi Best feature film, Best short film, Best Documentary film, Best Director, Best Actor (Male), Best Actor (Female), Best supporting Actor (Male), Best Supporting Actor (Female), Best Actor in Villain Role, Best Actor in Comic Role, Best make-up, Best Cinematography, Best editing, Best story/script, Best original soundtrack, Best film promotional music video leh Lifetime Achievement te a ni. Award winner te hian trophy leh certificate mai bakah sum fai á¹hahnem tak an dawng tel ang.
Post a Comment