MZP chuan kum danga an lo tih tawh ṭhin angin, nimin khan Aizawla sikul hrang hrangah 'Mizo zirlaite tan hnam dang nupui/pasal nei lo tura inzirtirna leh intiamkamna ni' an hmang. Hnam dang nupui/pasal nei lo turin zirlai ṭhahnem tak an intiam.
Hnam dang nupui/pasal nei lo tura inzirtirna leh intiamkamna hun hi MZP chuan kum 2015 aṭangin September 2-ah an hmang ṭhin a, kuminah chuan Inrinni a nih avangin nimin khan an hmang a; Aizawla sikul eng emaw zatah hun an hmang a ni.MZP chuan, kawppui atan mahni hnampui ngei neih chu ram leh hnam humhalhna kawng pawimawh tak a ni tih sawiin, "Mizote chu hnam tlem leh humhalh ngai kan nih avangin, ram leh hnam humhalh kawngah thîkthu kan tihchhiat telh telh a ngai. Hnam dang nupui/pasala neite chu Mizo hnam phatsantu leh ram leilung fate chanvo chuhpui theia hnam dang siamtute an ni," an ti a; Mizo zirlaite leh ṭhalaite chu an hnampui ngei nupui/pasal atana neih duhna thinlung pu tlat turin an chah a ni.
Post a Comment