Image result for minority scholarshipSorkar laipuia Ministry of Minority Affairs chuan, minority pre-matric leh post-matric scholarship dil thar duhte tan September 30, 2017 thleng dilna hun a pawtsei. Mizoramin pre-matric scholarship a hmuh theih tur biktuk zat chu 12,300 a nih laiin, August 24, 2017 thleng khan diltu zirlai 1,564 chiah an la awm.

Apply Mizoram Scholarship At: http://scholarships.mizoram.gov.in


Mizoram Scholarship Board (MSB) secretary JH Zoremthanga chuan, pre-matric scholarship leh post-matric scholarship hi a thara dil tur leh hmu tawh dil nawn leh turte tana dil theih hun hnuhnung chu August 31, 2017 tih ni mah se, dil theih hun pawhsei a nih thu a sawi a; hun hawn belh chhungin scholarship dil ngei turin zirlai leh zirlai nu leh pate a chah. A dilna tur portal siam mek a nih avangin dil hun tur inhriattir leh tur a nih thu a sawi bawk.
Scholarship dilna hi internet online hmangin website www.scholarships.gov.in ah tih theih a ni a, mahnia tih theih a nih bakah, hmun hrang hranga Common Services Centre aṭangin tih theih a ni. Dilna form portal-ah a diltu bank account number leh International Finance Corporation (IFC Code) dah tel a ngai.
Thu dawn danin, Mizoramin minority pre-matric scholarship a thar (fresh)-a a hmuh theih zat bituk chu 12,300 a nih laiin, kumin August 24 thleng khan zirlai 1,564 chiahin dilna an thehlut. Nikum lamah scholarship diltute 
aṭangin Aadhaar number phût tel a ni a, Aadhaar card nei lo zirlai eng emaw zat an awm avangin zirlai, an nu leh pate leh zirtirtute'n an buaipui ṭha peih lo nia rin a ni.
Vanglaini

Post a Comment

Powered by Blogger.