MZI General Headquarters chuan tunhnaiah kan zaithiam ţhenkhatte hming hmanga dawt thu phuahchawp bawlhhlawh tak tak thehdarh a ni hi pawi a tiin a la thutak hle a. A bik takin, _'Sex hman dawna hriat tur'_ tih thu, kan gospel singer pakhat ziah ni awm taka a hming chiang taka ziak langa thehdarh a ni hi pawi kan tiin kan duhlo hle a. He thu ziaktu anga an sawi _Rosy K.Remsangpuii_ hi *a ziaktu a nilo* tih hi mipuite kan hriattir bawk a ni.
Dawt thu phuahchawp hmanga mi hming ti-hliau thei leh mi thinlung hliam thei thil hi kan zaithiamte chungah thleng nawn tawhlo se kan duh a. Post lo hmu(dawng) te pawhin lo thehdarh lo tur leh lo delete vek turin kan ngen che u a ni.
Kan zaithiamte hian thianghlim taka inkah-fiamna ang hi chu nâ deuh thleng pawhin an dawngsawng thiam em em a. Amaherawhchu, chutiang fiamthu nilo, mipuiin kan zaithiamte an hmuh khawloh phah theihna tur dawt ngialngan lutuk leh thu bawlhhlawh ang chi hi chu kan zaithiamte hming tih-hliau nana siam tawhlo turin kan inngen nghal a ni.
Kan zaithiamte thlavang hauhna kan siam rualin kan zaithiamte leh rimawi kaihhnawiha inhmangte hmasawnna tur kawngah min thawhpui zel turin Mizo mipuite kan sawm nghal bawk a ni e.
______________________________
MZI GENERAL HEADQUARTERS.
Post a Comment