Related imageIndia hmarchhak state-a State Pollution Control Board hrang hrangte leh Assam Environment & Forests department-in September 9-10, 2017 chhunga Guwahati-a 'Waste Management & Disposal' tih thupui hmanga Eastern Zone Regional Conference an buatsaihah Mizo zirlaiin lawmman pakhatna a dawng.
Conference hi National Green Tribunal (NGT), Eastern Zone Bench, Kolkata bultuma buatsaih a ni a; NGT chairman Justice Swatanter Kumar, Assam chief minister Sarbananda Sonowal, chief justice á¹­henkhatte leh judge te, mithiamte leh zirlaite an tel a, Mizoram aá¹­angin Mizoram Pollution Control Board (MPCB) chairman RC Thanga a tel.
MPCB bultumin KM HSS, Synod HSS, ITI High School leh Oxford HSS-a Eco Club aá¹­angin zirlai pariat an tel bawk a; MPCB-a information officer C Malsawmzuali leh web assistant Elizabeth B Laldikzuali ten an hruai a ni.
Conference chhung hian bawhhlawh sâwngbâwl dan leh thehthang dan tih thupui hmangin zirtirna ṭha tak tak sawi a ni a; India ram khawchhak lama state hrang hranga sikul naupangte tan inelna - Poster Competition leh Essay Competition buatsaih a ni. Esther Lalrinawmi d/o Joseph Lalnunzira, Chawlhmun, Aizawl, KM HSS-a pawl 12 zirlai chu inelna chi hnihah hian pakhatna a ni ve ve.

Post a Comment

Powered by Blogger.