Image result for 2018 Miss America : Cara MundChawlhkar eng emaw zat an inpuahchah a, intihsiakna chi hrang hrang hmanga zan li zet an intihsiak hnuah Miss America result puan a ni a, North Dakota state nula, Cara Mund chu 2018 Miss America-a thlan a ni.
Pathianni zana Miss America final-ah hian Brown University aṭanga graduate, kum 23 mi North Dakota state aiawha inlan, Cara Mund chu Miss America-a puan a ni a, 2017 Miss America, Savvy Shields chuan crown a khimtir. Miss America hi Atlantic City, New Jersey-a thlan a ni. Miss America thlan a nih tirh aṭangin North Dakota nula miss-a thlan an nih vawi khatna a nih mai bakah, North Dakota hian top 5 an thlen vawi khatna chauh a ni.
Miss America hi evening wear, fitness, lifestyle, talent leh interview hmangte en a ni. Interview-ah hian Cara Mund hian Paris climate accord aṭanga Donald Trump-a’n US a la chhuak chu ‘ngaihdan chhe tak a ni’ a ti a, “Climate change hi a thleng ngei a ni tih finfiahna a awm a, chuvang chuan he dawhkan hi keini pawhin kan kil ve ngei a ngai a ni,” a ti. Miss America thlan bul an ṭan khan Associated Press hnenah Cara Mund hian a thil tum lian ber a hrilh a, chu a thil tum lian ber chu US-a state governor zinga a thlana thlan tlin hmeichhe governor hmasa ber nih a ni.
Miss America-a First Runner Up chu Miss Missouri, Jennifer Davis a ni a, Second Runner Up chu Miss New Jersey, Kaitlyn Schoeffel a ni. Third Runner Up-ah Miss District of Columbia Briana Kinsey thlan a ni a, Miss Texas Margana Wood chu Fourth Runner Up a ni.

Post a Comment

Powered by Blogger.