 |
| Representational Image |
Manipur-ah mihring hmanga sumdawnna a hluar zel a, tun hnai khan Myanmar police-te chuan Manipur mi, hmeichhia pariatte chu Thailand leh Singapore panpui an nih laiin an chhanchhuak.
Myanmar khawpui, Yangon-a Indian Embassy leh Myanmar police ṭangkawpte chuan report an dawn bawhzuiin heng hmeichhiate hi an chhanchhuak a ni. Yangon central railway station-a hotel pakhat aṭangin heng mite hi chhanchhuah an ni a, Thailand leh Singapore panpui an nih hmain an nangching ta a ni. An vai hian sex worker atana hralh tura bum chhuah an nih thu police-te chuan an sawi. Manipur Additional Chief Secretary S. Suresh Babu chuan, tun hnaiah mihring hmanga sumdawnna a hluar hle tih sawiin, heng mite pawh hi hralh atana human trafficker-te'n n bumchhuah an nih a rin thu a sawi.
Manipur police-te chuan Pathianni khan he thila inhnamhnawiha rinhleh mi pahnih an man a, Churachandpur district-a women police station-ah thubuai an ziaklut a ni. Churachandpur police-te chuan he thilah hian September 2-a hmeichhe pahnih an lo chhanchhuah tawhte laka mawhphurtute kha an inhnamhnawih em tih an chhui dawn tih an sawi. September 2 khan hmechhe pahnih chu Singapore panpui tum laiin chhanchhuah an ni a, he thila mawphurtu mi pathum te chu man an ni tawh a, an zinga pahnih chu hmeichhia an ni.
Manipur Additional Chief Secretary chuan tun hnaiah mi 15 zet chu chhanchhuah an lo ni tawh tih sawiin, mipuite chu fimkhur turin a chah a ni. Mihring hmanga sumdawngte hian Moreh aṭangin Myanmar an panpui a, heta
ṭang hian Singapore, Thailand leh ram dangahte an hralh ṭhin niin a sawi bawk. Social welfare department pawhin thuchhuah siamin, hna zawn hmuhsak thei nia insawi te laka fimkhur turin mipuite an chah ve bawk.
Post a Comment