Mizo Zaimi Insuihkhawm chuan kumin aṭang hian music awards an sem ṭan dawn a, hemi atana category hrang hrang awm turte pawh siam fel a ni tawh.MZI-in music awards a siam tur hi MZI Music Awards 2017 tih a ni a, December 1-a sem tura ruahman a ni. Category hrang hrang 16 a awm dawn a, category tinah nominee pali zel an awm ang. Category awm turte hi Gospel huang chhungah Best Male Artist, Best Female Artist, Best New Artist leh Best Music Video. Lengzem chhungah Best Male Artist, Best Female Artist, Best New Artist leh Best Music Video te a ni. Band huang chhungah Band of the year leh Best Music Video (Band) category te a awm ang a, hei bakah hian Choir of the Year, Song Writer/Composer of the Year, People Choice leh Lifetime Achievement Award te a awm bawk ang.
Post a Comment