22nd September, 2017 (MSR) : Vawiin chhun dar 12:30 khan Mizoramah Political Party thar Mizoram People Party (MPP) a pian thu puan a ni.
Party thar President atana ruat lailawk Pu C.Laltanpuia Lower Chanmari veng chuan 'Zoram hmangaihtu pawl' leh 'Revolutionary Democratic Party (RDP)' ten an mahni pawl ve ve thiata in lungrual tak a, tum thuhmun neia Mizoram People Party (MPP) hi din a nih thu a puang a. An party thar din, innghahna atan 'Ram chu Lalpa ta a ni, tih leh 'I ram lo thleng rawh se' tih chu an hman thu a sawi. Policy leh Manifesto hi hun hrana tlangzarh tur a nih thu leh tuna hruaitu atana ruatte pawh ruat lailawk niin General Assembly neih hun a, thlan that tur a nih thu a sawi a, an party chu Zofate dichhuahna leh inpumkhatna ngelnghet siamtu tur a nih thu a sawi.
Tuna hruaitu ruat lailawkah chuan RDP Vice President Pi Hmingthanzami chu Senior Vice President atan ruat a ni.
Post a Comment