October 6 aṭanga khelh ṭan tur FIFA U17 World Cup 2017-a inlan tur India squad tihchian a ni a, Mizo midfielder Lalengmawia chu India tana inlan tur zingah telh a ni - Vaivakawn rawlthar hi Mizo zinga World Cup khel hmasa ber a ni dawn tihna a ni. 
India hi Group A-ah USA, Colombia leh Ghana te nen an awmho a, match hmasa ber October 6-ah USA hmachhawnin October 9-ah Colombia leh October 12-ah Ghana te an hmachhawn chhunzawm leh ang. 
India U17 coach Luis Norton de Matos chuan, "FIFA U17 World Cup tan kan inpeih tawh. Kan thawkrim a, hma pawh kan sawn nasa. Mahse, chutihruala kan hriat reng tur erawh khawvela rawlthar ṭha ber ber kan hmachhawn dawn tih hi a ni. Kan match tinah theihtawp chhuahin kan bei zel dawn a, hnehna chang turin 5% chiah chance kan nei a nih pawhin huaisen takin kan bei ang. Football-ah theih loh a awm lo," a ti.
World Cup duhawm tak an hman theih nan India U17 hi tournament leh friendly match khelin hmun hrang hrangah an zin kual a, friendly match-ah hian ram langsar zingah Macedonia, Serbia leh Benfica te chu an hmachhawn a, Four-Nation Tournament-ah Mexico, Colombia leh Chile te nen an khel ho bawk a, Mexico leh Colombia hi an ngam loh laiin Chile erawh an inhnehtawkpui thung.
India U17 squad
GOALKEEPERS: Dheeraj Singh, Prabhsukhan Gill, Sunny Dhaliwal 
DEFENDERS: Boris Singh, Jitendra Singh, Anwar Ali, Sanjeev Stalin, Hendry Antonay, Namit Deshpande
MIDFIELDERS: Suresh Singh, Ninthoinganba Meetei, Amarjit Singh Kiyam, Abhijit Sarkar, Komal Thatal, Lalengmawia, Jeakson Singh, Nongdamba Naorem, Rahul Kannoly Praveen, Md. Shahjahan
 FORWARDS: Rahim Ali, Aniket Jadhav 


Post a Comment

Powered by Blogger.