Mizoram sorkar aiawh leh HPC (D) hruaitute chu nimin khan State Guest House-ah an inbe leh a, offcial level-a an tih theih chinah chuan an inbe rem thei. 
Vanglaini palai zawhna chhangin HPC (D) thupuangtu Lalá¹­halian chuan tluang taka inbiakna kalpui a nih thu sawiin, “Offcial level-a kan tih theih chin chu kan ti zo. Inbiak leh hun pawh engmah ruahmanna siam a ni lo a, political decision a zirin inbiak leh hun turah ruahmanna siam a ni ang,” a ti.
Home addl. secretary Lalbiakzama pawhin Vanglaini zawhna chhangin tluang taka inbiakna kalpui a nih thu sawiin, “Kan tih theih chin chu kan ti zo tawh. Kan inbiaknate political level-ah kan thlen ang a, anni’n an duh dante min hrilh leh dawn a ni,” a ti a, an inbiak tawh chinah chuan harsatna an neih loh thu a sawi.
Thudawn danin tun á¹­uma inbiaknaah hian Sinlung Hills Council siamna tura Bill duan lailawk, Sinlung Hills Council Bill, 2017 chu sawihova thuneitu sang zawk hnena thlen remtih a ni a, inremna thuthlung, Memorandum of Settlement siam dan tur duan lailawk pawh thuneitu sang zawk pawmpui tura thawn remtih a ni a, HPC(D) hel pawl nunphung pangngaia lo let turte chhawmdawlna leh á¹­anpui dan turte leh HPC Area tia hriata remna leh muanna boruak á¹­ha a awm zui zel theih dan tur ruahman te pawh a tel a ni.
Mizoram sorkar nena indawr hi HPC (D)-a H Zosangbera kaihhruaite an ni a; hetihlai hian Lalhmingthanga Sanate kaihhruai HPC(D) leh Mizoram sorkar chu August thla chhung khan inbiak tura ruahman a ni a, mahse, HPC(D) lam an la inpeih loh deuh avangin Mizoram sorkar chu lo nghak lawk hrih turin an ngen niin Home department hotute hnen aá¹­anga Vanglaini chuan thu a dawng.

Post a Comment

Powered by Blogger.