Vawiin chawhma khan AH &Vety Department buatsaihin District AH &Vety Office tualah NLUP hnuaia Vawk vulh thlangtute hnenah 3rd & 4th Phase atana dawn tur Vawk te sem a ni. Semna pual Programme tawi buatsaihah District AH&Vety Officer Dr.M.Zohmingthangi chuan thusawiin sawrkar flagship programme NLUP hnuaia Vawk te semte chu hrisel tha Doctor-te endik vek a ni a ti a. Vawk te dawngtute chu ti riral mai lova tha taka enkawl turin a fuih a. Vety Department leh ran vulhtute chu inngheng tlat an ni tiin harsatna leh buaina an tawh chuan mithiamte rawn nghal vat thin turin a chah a. Vawk vulh chu eizawnna tlak anih theih nan mumal taka chaw pek leh hri danna te ngaipawimawh a tul thu sawiin vawk sa hrisel leh vawknote tam zawk tharchhuah kawnga kan lo intodelh theih nan theihtawp chhuaha tan la zel turin akalkhawmte chu a chah bawk a ni.
District AH&Vety Department Champhai hnuaiah hian NLUP 3rd&4th Phase-ah Piggery Trade (Vawk Vulh) thlangtu Beneficiary 1,023 an awm a. Vawiina sem tak chu a hnuaia tarlan ang hi a ni.
Sl.No | Veng/Khua | No. of Beneficiary | Vawk te semchhuah zat |
1 | Dinthar | 11 ( 6 theuhin) | 66 |
2 | Electric | 18 (3 theuhin) | 54 |
3 | Bethel | 34 ( 32 in 6 theuhin; 2 in 3 theuhin) | 198 |
4 | Venglai | 23 ( 3 theuhin) | 69 |
5 | Chhungte | 3 ( 3 theuhin) | 9 |
6 | Vengthar | 14 ( 6 theuhin) | 84 |
7 | New Champhai | 12 ( 3 theuhin) | 36 |
8 | Zion Veng | 10 ( 3 theuhin) | 30 |
9 | Kanan | 4 ( 6 theuhin) | 24 |
TOTAL | 129 | 570 |
Vawiinah hian Mi 61 hnenah Vawk te paruk (6) theuha sem niin Mi 68 te hnenah Vawk te pathum (3) theuha sem a ni bawk. Vawiin thlengin Beneficiary 354 te hnenah Vawk te 1,686 sem chhuah tawh a ni a; heng bakah hian Beneficiary 669 te hnenah Vawk te 3,576 la sem chhuah leh tura ruahman a ni.
WRITTEN BY DR. LALLAWMKIMA THANGLUAH MIS, DIPRO CHAMPHAI
Post a Comment