Mizoram Synod hnuaia hmun hrang hranga Presbytery inkhawmpui, October 5, Ningani zana ṭan chu nizan khan a ṭiak a; nimin khan kohhran upa thar ṭhahnem tak nemngheh an ni.
Presbytery inkhawmpuiah hian October 6 leh 7 khan nilengin rorel inkhawm neih a ni a; nimin chawhma inkhawmah upa tharte nemngheh niin, chawhnu inkhawmah Lalpa Zanriah Sakramen ṭheh a nih bakah, nikuma Presbytery inkhawmpui leh tun ṭum Presbytery inkara kohhran upa thite sûnna hun hman a ni.
Mizoram Synod hnuaiah Presbytery 43 a awm a, chu'ng zinga 39 chu Mizoram chhunga mi niin, pali chu Mizoram páwna mi a ni. Synod Inkhawmpui 2016 report-a a lan danin, Mizoram Synod hnuaiah member zawng zawng, 6,11,241 an awm a, chu'ng zinga 4,20,043 chu dan zawh kim an ni a, chhungkua 1,29,698 an awm. Tualchhung kohhran 1,197 leh pastor bial 300 a awm bawk.
Post a Comment