Vanapa Hall chu tunlai hian PWD-in an chei ṭha mek. Art & Culture department hotute sawi danin, Vanapa Hall hi NEDP sum, cheng nuai 178 sêngin kumin July thla laihâwl aṭang khan chei ṭhat ṭan a ni a, hall hi hman theih a ni rih lo.

Vanapa Hall hi a chhunga ṭhutna, a chung, hulhliap leh a hnuaia lama Art & Culture department pisate chu thawm ṭhat a ni dawn a; a luhna bula inthiarna awmna hmunah rualbanlo inthiarna chauh dah a ni tawh dawn a, a hnuaia Art & Culture department pisaah inthiarna pangngai dah a ni tawh ang.

Vanapa Hall hi kum 1979 khan cheng nuai 100 sêngin sak ṭan a ni a, kum 1983-ah hawn a ni. A hma chuan Aizawl Theater Hall tih a ni ṭhin a, February 29, 1980-a Mizoram Legislative Assembly ṭhutkhawm chuan Vanapa Hall tiin a hming a thlak a ni.

Post a Comment

Powered by Blogger.