Vawiin hian Mizoram sawrkar hnuaia Taxation Department hmalakna in Taxation Department Office, Tuikual Veng, Vanapa Hall bul-ah Facilitation Cum Helpdesk hawn a ni.He Facilitation Cum Helpdesk hi sumdawng leh a mamawhtuten Goods & Services Tax (GST), kumin July 2017 atanga India ram puma hman tan chungchanga zawhna an neih leh puih an ngaihna angah man chawi ngai lovin an pan thei dawn a ni. He Facilitation Cum Helpdesk hi State Tax Officer pahnih zelin an thut chilh ang a, Assistant Commissioner in a enpui thin bawk ang. He hmun hi internet facility leh Computer hmanga thuam a ni a, GST Registration dil turte, GST Return file tur tan te leh GST payment chungchanga hriatchian leh zawh duh neite chu he hmunah hian lo tanpui thin an ni ang. Amaherawh chu mi sumdawng leh a mamawhtute tan mi pakhatin turn 3 aia tarn pan a remchang dawn lo thung a, a chhan chu sumdawngte leh midangte pawh mahni inzir tura beisei an nih ve vang a ni.
He Facilitation cum helpdesk hi Pu Kailiana Ralte, Additional Commissioner, State Tax in a hawng a, Pu C.Vanlalchhuana Dy. Commissioner leh GST Nodal Officer in Technical report a pe a. He Facilitation Centre cum helpdesk hi kumin chhung mipuite leh a mamawhtute tana hawn turn phawt anih thu an sawi a ni.
Post a Comment