Health Minister Lal Thanzara chuan, State Referral Hospital, Falkawn behchhana medical college din tum, Mizoram Institute of Medical and Research (MIMER) chu a hlawhtlin ngei an beisei thu leh, academic session 2018-19 aṭangin batch hmasa berte'n zirna an ṭan theih beisei a nih thu a sawi.
Minister Lal Thanzara hian nimin khan State Referral Hospital bulah Indian Medical Association (IMA), Mizoram Chapter-in Falkawna IMA Multipurpose Centre sak an tum lungphùm a phúm a; MIMER din tum chu a hlawhtlin ngei beisei a nih thu sawiin, "Medical college-a thawktu tur post 629 chuang lakna tur pawh sorkarin a remti tawh a ni," a ti.
MIMER hlawhtlinna atan beiseina sang neiin sorkarin hma a la tih sawiin Thanzara chuan, "Kum 2018-19 ah chuan first batch admit theih kan beisei a, tunah Medical Council of India (MCI) Inspection Team-in report an pek turah beiseina thui tak kan nghat," a ti a; medical thilah IMA member-te chu an ngaituahna sênga sorkar finchhuah turin a sáwm.
Health Minister chuan, MIMER principal tura sawm chhuah tawh, Dr L Fimate, RIMS-a Principal hlui pawhin a hna a zawm tawh tih a sawi a; "Medical college-a thawktu tur post 629 chuang lakna tur sorkarin a remti tawh a ni," tiin, chu'ng post 629 zinga a pawimawh zual bik, zirtirtu (professor leh a hnuai lam) leh mithiam dangte lak thuai a nih theih nan sorkarin a bikin Single Window Clearance a ruahman thu a sawi a ni.
Lal Thanzara chuan, "Chief Minister leh Council of Minister-in medical college puitlinna atan theihtawp min chhuahpui hi a lawmawmin a phûrawm hle a ni," a ti a; MIMER chu Health department chauhin a tihhlawhtlin theih a ni lo a, department pawimawh zual leh mawhphurhna nei - PHE, Power and Electricity, PWD leh a dangte nen theihtawp chhuaha thawhho a ngaih thu a sawi.
Health Minister chuan, tun kar tir lama Medical Council of India (MCI)-in MIMER an tlawhna report an pe tawh ang leh chumi chungchangah chuan thuthang dik lo leh rintlak lote social media-ah thehdarh a ni tih sawiin, pawi a tih thu a sawi a; "Tlin lohna tam tak kan nei a, mahse, tlinna tam tak kan nei ve bawk. Chîk takin MCI Inspection Team-in an enkual a, an report an la thehluh loh mai bakah, an report hi confidential a ni a, report an pe tia sawi hi thu dik lo a ni," a ti.
Lal Thanzara chuan, IMA-in State Referral Hospital bula Multipurpose Centre sak an tum chu doctor tan chauh ni lo, a mamawhtu apiangte hman thei tura ruahman a ni chu ṭha a tih thu a sawi a; public private partnership (PPP) mode-a sak tumna a awm pawh ṭha a tih a sawi bawk.
IMA Multipurpose Centre sak tur hi chhawng ruka sak tum a ni a, mamawh hrang hrang dah tum a ni. IMA hi India rama doctor-te intelkhawmna pawl lian ber niin member 2,15,000 vel an awm mek a, Mizoramah member 700 chuang an awm mek a ni.-Health Minister Lal Thanzara chuan, State Referral Hospital, Falkawn behchhana medical college din tum, Mizoram Institute of Medical and Research (MIMER) chu a hlawhtlin ngei an beisei thu leh, academic session 2018-19 aṭangin batch hmasa berte'n zirna an ṭan theih beisei a nih thu a sawi.
Minister Lal Thanzara hian nimin khan State Referral Hospital bulah Indian Medical Association (IMA), Mizoram Chapter-in Falkawna IMA Multipurpose Centre sak an tum lungphùm a phúm a; MIMER din tum chu a hlawhtlin ngei beisei a nih thu sawiin, "Medical college-a thawktu tur post 629 chuang lakna tur pawh sorkarin a remti tawh a ni," a ti.
MIMER hlawhtlinna atan beiseina sang neiin sorkarin hma a la tih sawiin Thanzara chuan, "Kum 2018-19 ah chuan first batch admit theih kan beisei a, tunah Medical Council of India (MCI) Inspection Team-in report an pek turah beiseina thui tak kan nghat," a ti a; medical thilah IMA member-te chu an ngaituahna sênga sorkar finchhuah turin a sáwm.
Health Minister chuan, MIMER principal tura sawm chhuah tawh, Dr L Fimate, RIMS-a Principal hlui pawhin a hna a zawm tawh tih a sawi a; "Medical college-a thawktu tur post 629 chuang lakna tur sorkarin a remti tawh a ni," tiin, chu'ng post 629 zinga a pawimawh zual bik, zirtirtu (professor leh a hnuai lam) leh mithiam dangte lak thuai a nih theih nan sorkarin a bikin Single Window Clearance a ruahman thu a sawi a ni.
Lal Thanzara chuan, "Chief Minister leh Council of Minister-in medical college puitlinna atan theihtawp min chhuahpui hi a lawmawmin a phûrawm hle a ni," a ti a; MIMER chu Health department chauhin a tihhlawhtlin theih a ni lo a, department pawimawh zual leh mawhphurhna nei - PHE, Power and Electricity, PWD leh a dangte nen theihtawp chhuaha thawhho a ngaih thu a sawi.
Health Minister chuan, tun kar tir lama Medical Council of India (MCI)-in MIMER an tlawhna report an pe tawh ang leh chumi chungchangah chuan thuthang dik lo leh rintlak lote social media-ah thehdarh a ni tih sawiin, pawi a tih thu a sawi a; "Tlin lohna tam tak kan nei a, mahse, tlinna tam tak kan nei ve bawk. Chîk takin MCI Inspection Team-in an enkual a, an report an la thehluh loh mai bakah, an report hi confidential a ni a, report an pe tia sawi hi thu dik lo a ni," a ti.
Lal Thanzara chuan, IMA-in State Referral Hospital bula Multipurpose Centre sak an tum chu doctor tan chauh ni lo, a mamawhtu apiangte hman thei tura ruahman a ni chu ṭha a tih thu a sawi a; public private partnership (PPP) mode-a sak tumna a awm pawh ṭha a tih a sawi bawk.
IMA Multipurpose Centre sak tur hi chhawng ruka sak tum a ni a, mamawh hrang hrang dah tum a ni. IMA hi India rama doctor-te intelkhawmna pawl lian ber niin member 2,15,000 vel an awm mek a, Mizoramah member 700 chuang an awm mek a ni. -Vanglaini
Post a Comment