Hontrade Ṭhazual Lengzem chart-ah Feli Fanai chuan pakhatna dinhmun a luah leh ta a, a zawnin ṭum thum zet pakhatna a hauh ta. Feli hi 'Pheichhehmawi I khai ang aw' tih hla a tlangzarh aṭangin chart-ah a hmel kan hmu nghal chat a, a pheichheh a khai sual lo.
![](https://blogger.googleusercontent.com/img/b/R29vZ2xl/AVvXsEhKXmvhZYezR9sidk51eVko0wVmMAdeE4uk9xrmM72iQmBOVCJZxxxXg5WYsa2ahsDHajl3PHII69fOhwZQPsC1re7I-mkKguDCcKMmfwLYIA8tgKR2wI_-rHgkl4tWHPFWXU6BHh5UaGud/s200/11027491_1607965252825610_5887325498675423593_n.jpg)
![](https://blogger.googleusercontent.com/img/b/R29vZ2xl/AVvXsEi_xQMO79lesVsTZweDF8d6n3NvA-dBwH0dbDcl6qMrzy0iLsZebSNaVulETR0hJFmlvD_VZv3AuNAH06VSKy9X1UP6vXp52ra4aFfGcScnlSBph2sqsE8_CrKNUgwN8cu2i4oP6KWVPq5p/s320/23244532_924407814377407_2015185761035809005_n.jpg)
Lengzem chart-ah hian hmeichhia an langsar ṭhin a, tun ṭumah pawh chu tho chu a ni. A sang zual mi panga zingah mipa pakhat chauh a lang a, mipui lamah mipa aiin hmeichhe lam an tla na zawk a tih loh theih loh. Fel-i'n ṭum thum zet dinhmun sang ber a luah ta a, eng chen nge pakhatna a hauh dawn hriat a ni lo. Tun dinhmunah chuan 'Pheichhehmawi I khai ang aw' aia hla hit a awm miau lo a, chart-ah a hming a la chuang zui zel dawn niin a lang. Feli hi Nagaland lamah zaiin a fehchhuak mek a, December 1-a 'Hornbill Festival' hman turah pawh zai tura sawm a ni.
Tun ṭum chart-ah hian Sangkimi Khiangte chuan pahnihna a rawn hauh ve leh a, pathumna chu Thiamchantira a ni. Sangkimi hian 'RM I hmangaihna' tih hla hi a hlawhtlinpui viau. A sang zingah Zorinzuali Khiangte kan hmu leh bawk a, a ni pawh hi pakhatna lo hauh tawh a ni. Josephine Lalawmpuii pawhin hma a sawn zel a, chart-ah hming kan hmu rei ta viau mai.
Kimkim-a'n hla thar 'Sarah, I zunzam' a tichhuak a, a ṭum khat nan chart-ah a hmel kan hmu. A ni hi tunlai tleirawlte ngaihven a ni a, a hla pawh hian youtube lamah pawh thlir a hlawh hle. Henry Lalmalsawma Renthlei, HT Lalthanzami leh Malsawmtluanga te chu a sang 10 zingah an tel bawk.
HONTRADE ṬHAZUAL Lengzem top 10
1. Feli Fanai - Pheichhehmawi I khai ang aw
3. Thiamchantira - Kir an rel lo
5. Josephine Lalawmpuii - Ka tlin tawk
6. Kimkima - Sarah, I zunzam
7. Henry Lalmalsawma Renthlei - Run hmun leng ila
8. DJ Lalvenhimi - Ka tan I chuai
9. HT Lalthanzami - Ka hmangaih che asin
10. Malsawmtluanga - Ka star number one
-Vanglaini
Post a Comment