MAWNGTAM LANG A TEMPLE HMA A THLALAK VANGIN BANGKOK-AH MAN AN NI
November 30, 2017 (MSR): Thailand a holiday hmang American mi pahnih (nupa an ti) Joseph Dasilva (38) leh Travis Dasilva (36), California state mi te chu Bangkok Airport ah Police-in an lo rek chaih. Hemi te pahnih hi Thai-ho temple Wat Arun Temple-ah mawngtam langin (butt selfie) a an thlalak chu Instagram leh Twitter ah an post a, hetah hian mi 14,000 zuitu an nei a ni. A hnuah an pic hi laksawn (delete) a ni.
Col. Choengron Rumpadee, Dy spokeman of Thai Immigration Police chuan, hemi te hi rinhlelh kaiin chhui zui an ni a, Bangkok airport man an ni a, US$ 154 chawi bakah kum 5 thleng jail bang zut theihna a ni, a ti.
Thailand hi Buddhist Lalram niin, night-life te chu “Lawilo Dawrpui” tlukin leh Sodom leh Gomorra khua ang dawnin ngaih ni mahse, Thai nun chu conservative ang reng tak leh zau huau lawi si a ni a, fimkhur viau thin tur a ni. Mawngtam pawh a lanna tur laia lo hlim lan chu a sual lovang, mahse, vantlang zing leh Temple area kher khera lo lan tir chu pawisawina lian tak a ni.
An chhungten San Diego, California Police Dept be pawpin tanpuina an dil mek. San Diego police hotu Nicole Murrat Ramirez chuan, an chet danin a barakhaih thu sawiin, US sorkarin a tanpui theih anga tanpui an tum tih a sawi.
Hemi te nupa chauh ni lovin, Cambodia rama Angkor Wat temple area, Siem Reap city ah pawh kum 2015 khan Lindsey Graham (22) leh Lezlie (20) Prescott, Arizona state te chuan ruakin thla an lo la tawh bawk a, US$ 250 chawitirin kum 4 chhung Cambodia ram zin phalsak an ni lo.@C.T.Lalrinawma
Post a Comment