Maveni Khiangte
Khawvel mihring piang tawh a damrei ber Guiness Book in a chhinchiah chu French nu Jeanne Calment(1875-1997) niin kum 122 leh ni 164 a dam a, mipa damrei ber erawh Japanese pa Jiroemon Kimura (1897-2013) niin kum 116 leh ni 54 a dam a, an pahnih hian an boral ve ve tawh thung a ni.
.
Mahse hei Mizo Upa Pawl in an chanchinbu a an tarlan danin he record hauhtu hi Mizo kan lo ni thei tlat reng mai. MUP Tlangau, January 2016 a article pakhat hi a ngai ngai in ka rawn tarlang ang e.
.
MIZO KUM UPA BER DANG LEH
By Sainghinga Sailo, Gen. Secy
MUP Gen. Hqrs.
.
MUP Tlangau Sept 2015 issue phek 8 naah khan Mizo zinga upa ber Pu Hrangkunga kum 120 tia kan chhuah kha a tangkai hle mai. Pu Hrangkunga hi a thih ni leh Pu Zataia aia kum 3 a a upa a nih chuan Pu Zataia pian hi kum 1864 atanga kum 3 han belh lehin Pu Hrangkunga kum dik tak chu kum 113 niin a lang a. A thlan lungah erawh kum 120 tih a ni.
.
Thlanlungah na na na chuan Pu Hrangkunga aia upa an lo awm reng mai le. Samthang khaw kawtchhuahah chuan Lungphun pakhat a awm a. Lungphuna a inziak dan chu hetiang hi a ni e.
.
Pu Mangluaia kum 135 Bawitlung
Sial 30 a talh..Khuang a chawi..Ral a that a Sialin ngho a nei A Arin Chenchinghim a hring..A dam chhungin a na lo.
Phun ni 27.1.1950
.
Pu Mangluaia hi a pianni leh thihni an ziak lova, a lungphun erawh chu tunhnai tak a la ni. He pa hi pa danglam tak mai a ni tih chu a thlanlung ziak tawite atang pawhin a hriat a. Samthang khaw titi inhlanchhawnaah chuan, Pu Mangluaia hi a ha vawi 3 a to nawn tihte, nupui pawh 27 lai neiin an sawi. Pu Manga hi kum 135 em a dam lo anih pawhin a dam rei thawkhat chu niin a rin theih awm e. Pu Thasiama tih lohah chuan Mizo zinga dam rei ber a ni mai lawng maw?
Post a Comment