Lalhmangaihzuali (Zualbawihi) chuan hla thar pahnih a tichhuak a, 'Beiseiseina beidawn thlak' tih leh 'D sakhmelṭha' tih a ni.
'Beiseiseina beidawn thlak' tih hla hi Zoremi Hmar Zote phuah niin, music leh recording hi Thangbawiha, EME records siam sak a ni. 'D sakhmelṭha' tih hla hi Lalpekhlui (Duati) phuah a ni thung a, music leh recording hi 3 brothers recording studio kutchhuak a ni. Video hi Ronald Zothantluanga, 3 bro-sis video production kutchhuak a ni thung.
BEISEINA
Zualbawihi chuan, "Krismas a hnai tawh si a, nakkum lama tihchhuah ai chuan tiin a rualin kan tichhuak ta a ni" a ti. Kuminah chuan music video dang buaipui a tum tawh rih loh thu a sawi bawk. Youtube channel lama dah tur sap hla leh Mizo hla eng emaw zat a buaipui mek a, youtube lamah a insawrbing rih dawn a ni. Zualbawihi chuan, "Youtube-a channel neih chu rin aiin ṭan a na duh khawp mai, hla cover-a dah deuh mawlh mawlh ka duh a ni" tiin, music video pangngai buaipui a tum rih loh thu a sawi.
Hetih rual hian nakkum lamah Folk song album buaipui leh a tum a, hla pawh a nei nual tawh a ni. -Vanglaini
Post a Comment