Khawvela model zinga hlawh hnem ber chu tudang ni loin American model Kendall Jenner a ni. Jenner hian hlawh hnem lamah Brazilian model Gisele Bündchen chu a rawn khum a ni.
Forbes chuan model hlawh hnem hi a thlang ṭhin a, Gisele Bündchen hian kum 15 chhung zet chu a ber nihna hi a lo hauh tawh a ni. Bündchen hian kum 2002 aṭang khan a ber nihna hi a hauh ṭan a, tuma tluk rual loin kum 10 chuang zet ro a rel. Kuminah erawh thil a danglam ta a, Jenner chuan $mtd 22 lalutin, a vawi khat nan sum hailut hnem ber a ni ve ta a ni. Jenner hian Adidas, Estee Lauder leh La Perla te chu inremna a neihpui mek a, heta ṭang hian sum eng emaw zat a hailut a ni. Hei bakah hian E! reality television show leh a clothing line aṭangin sum ṭhahnem tak a lalut bawk. Kum 22 mi hian social media kaltlangin sum eng emaw zat a lakluh thu tarlan a ni bawk.
Kum 37 mi lai ni ve tawh Bündchen chu sum thawk chhuak hnem pahnihna a la ni fan a, kum khat chhungin $mtd 17.5 zet a lalut. Chrissy Teigen chu pathumna niin, a sum lakluh belhkhawm chu $mtd 13.5 a tling.
Forbes chuan model-te hi cosmetic, fragrance, footwear leh apparel lama an contract hlut zawng a chhut sak a, an sum lakluh zat hi chhiah an pek hmaa mi a ni bawk. Tuna an sum lakluh hi June 1, 2016 - June 1, 2017 chhunga mi a ni. Model hlawh hnem 10 te sum lakluh zat belhkhawm hi $mtd 109.5 a ni.
Sum lalut tam zingah hian Hadid te unau -Gigi leh Bella te pawh an lang a, anni bakah hian Adriana Lima, Rosie Huntington, Karlie Kloss, Liu Wen leh Ashley Graham te pawh an lang.
Model hlawh hnem top 10
1. Kendall Jenner - $mtd 22
2. Gisele Bundchen - $mtd 17.5
3. Chrissy Teigen - $mtd 13.5
4. Adriana Lima - $mtd 10.5
5. Gigi Hadid - $mtd 9.51
6. Rosie Huntington -Whiteley - $mtd 9.5
7. Karlie Kloss - $mtd 9
8. Liu Wen - $mtd 6.5
9. Bella Hadid - $mtd 6m
10. Ashley Graham - $mtd 5.5
Source: Vanglaini
Post a Comment