Image result for mizo zaithiam laltanpuia tochhawngLalțanpuia Tochhawng hi kum 1961 September ni 15 khan Kawrthah khuaah a piang a. Kum 1981-ah Aizawlah an rawn pem chho va. Kum 1984-ah Lawmnapari nen an innei a, kum 1993 khan a piangthar a; Aizawl Chawnpui Vengah a nupui fanaute nena khawsa mek an ni.

Lalțanpuia Tochhawng hian Pathian fakna lam hla 3, khawhar hla 2, Lengzem hla 30 leh Hla lenglawng 3 a phuah a. A hla phuahte hi a hit hlawm hle. A bikin 'Hmangaihna ka ngên a ni' (1988) tih bakah, 'Mite'n an hmu ve lo' (1989) tih te, 'Ka duat ngawt ang che' tih hla a phuah leh sakte chuan mi lawm a hlawh hle a ni. Hei bakah hian 'Hmangaih LM' (1986), 'Mampui ka duh ber che a' (1988), 'Min tuahrem thuai se' (1983), 'I hriat loh ka hlau țhin a' (1987), 'Lung min rualpui leh rawh' tih te hi tunlai thlenga sak hlawh a ni.

Hla phuah thiam leh zaithiam, 'Hmangaihna ka ngên a ni' tih hla phuahtu Lalțanpuia Tochhawng, kum 54 mi chu vawiin 1.11.2015: tlai dar 4:30 vel khan kawng ko sang takah tlain Seventh Day Hospital, Aizawl panpui nghal a ni a. Biak theih lohva a awm reng hnuah Civil Hospital-a refer ni mah se,  tlai dar 6:13 khan a hliam tuar lovin min kalsan ta a ni.

Post a Comment

Powered by Blogger.