Tun kar tawp khan Buddh International Circuit, Noida-ah Asia Championship of Road Racing tlan a ni a, Mizo rider Israel Vanlalhruaizela leh Lalnunsanga te chu pahnihna leh pathumna an ni a, Mizoram Motosports Association (MiMSA) hnuaia rider pahnih te hian sulhnu ṭha hnutchhiahin Mizoram aṭanga international level-a medal dawng thei hmasa an ni.
Asia Championship of Road Racing hi International Race niin ram hrang hrang - Japan, Australia, Indonesia, Nepal, Malaysia leh India aiawh ten inelna hi an hmachhawn. India tana inlan tur hian RedBull Road To Rookie Champion Israel Vanlalhruaizela leh Lalnunsanga te thlan niin inelna takah pawh an che ṭha hle - an tluk loh hi India team zinga mi tHo Sai Rahil Pillarisetty a ni thung.
Coimbatore lama inelna hmasa neih tawh Gixxer Cup pawh final round tlan nghal niin champion tura beisei la nei Lalmawipuia chu palina niin Malsawmdawngliana erawh a tluk palh avangin a tlan tluan thei lo, race 2 neih hmain Chennai tlangval Joseph Mathew chu a champion.
Nimina intlansiak hnuhnung berah Lalmawipuia chu pathumnaah thlengin podium a lawn a, Mawipuia hi championship table-ah pathumna a ni phak.
Post a Comment