Hontrade Ṭhazual Fakna chart-ah R.Lalrinmawii (Arini) chu 'Krawsah khan' tih hla hmangin a chung berah a awm. Arini hi Ṭhazual chart-ah pakhatna a nih ṭum khatna a ni.
'Krawsah khan' tih hla hi October thla aṭang khan Zonet chuan an tichhuak ṭan a, tun thla tir khan yuotube-ah upload a ni bawk. Local channel-ah pawh thlan hlawh ber pawl a ni chho nghal a, tunah chuan chart-ah pawh pakhatna a hauh thei ta a ni. A hla hi Lalṭanpuia'n sap hla aṭanga a lehlin a ni. Arini chuan, "A hla hi sak nuam ka ti a, ka ngaina hle a ni" a ti a, ṭhazual chart-ah pakhatna a hauh theih chu lawmawm a tih thu a sawi bawk.
Tun ṭum chart-ah hian thil inthlak thleng a awm nual a, One in Christ chu pakhatna aṭangin pahnihna-ah an thla thla a, Arini'n pahnihna aṭangin hma a rawn sawn thung. Dr. Zoa chu pasarihna aṭangin a sang pathum zingah rawn invawrh chho a, pathumnaa awm David Vanlalpeka chu a tawlh hnung hret thung. Chart hmasa lama a sang 10 zinga lang Cindy Lalthanpuii chu ṭun tumah hian a hmel hmuh tur a awm ta lo a, hmel thar Lalnunpuii Kawlni kan hmu thung.
Top 10-ah hian Grace Lalchhanhimi, Sawmtea, Thawhlehnaniropuia leh Judith Lalremruati te an lang leh a, Seraphic Choir-te chu an dinhmun ngai 10-ah an awm leh bawk.
Hontrade Ṭhazual Fakna Top 10
1R.Lalrinmawii - Krawsah khan
2One in Christ - Ka Pa Lalram
3Dr. Zoa - Hruaitu Isua
4David Vanlalpeka - Lalpa'n a sawm a che
5Grace Lalchhanhimi - Rawngbawl tura chhandam
6Sawmtea - Hlimin ka zai
7Thawhlehnaniropuia - Min hruai zel ang che
8Judith - Ka lungawi e
9Lalnunpuii Kawlni - Ka enna
10Seraphic Choir - Min chawi sang thin
Source: Vanglaini
Post a Comment