Synod Campus Ministry buatsaih documentary film chu J.M Lloyd's Hall, Synod Office-ah nimin khan tlangzarh a ni.
Tlangzarh inkhawm hi Rev. Lalramliana Pachuau chuan a kaihruai a, Synod Moderator Rev. Lalzuithanga'n film hi a tlangzarh a, enho nghal a ni. He documentary-ah hian tunlaia Mizoram zirlaite dinhmun, harsatna an hmachhawn mekte leh an hmabak thilte zir chianna tarlangin, an harsatna tawhte mi thiamten a chin fel dan tarlan a ni bawk. Film hi zirlaite harsatna tawh veitute tan chuan en ngei chi a ni ang.
Synod Campus Ministry hian zirlaite tana ṭangkai tur leh ṭha tak tur documentary hi hun eng emaw chen an buaipui a, a original soundtrack ‘Harh a hun e’ music video pawh tlangzarh a lo ni tawh. He Documentary hi ‘Mizo ṭhalaite leh Tunlai Khawvel’ tih a ni a, Mizo ṭhalaite harsatna hi sutkian dan a awm em tih te, engtin nge an kal zel ang tihte chu documentary-ah hian tarlan a ni.
Post a Comment