Triu Trackx chuan kumina a pakhatna turin hla thar an ti chhuak dawn a, zaninah tlangzarh a ni ang. An hla thar hi '1960' tih a ni a, an band member Ramenga phuah a ni.
Champhai band lar hi 'Lungtat par' an tihchhuah hnuah an reh deuh vang vang a, mahse tunah chuan hla thar nen an lo kir leh dawn ta. Music video hi a dangdai dawn khawp mai a, studio chhungah shooting neih niin, mi hrang hrangin a hla hi an insak chhawk. Band member-te an lang tam lo a, lip sync a tam dawn. Video hi Muantea Gabriel kutchhuak niin, dangdai leh hmuhnawm tak tur a ni.
1960 hla thu ṭhenkhat hi chu "...a dam rei dawn lo" tih vel te a ni nawk a, tunlaia kan ṭawngkam hman maksak tak tak pawh a inzep nual. He hla phuahtu Ramenga chuan, "Tawng tluang pangngaia hlaphuah ṭhin khan, khawlai ṭawngkam hmangin hla ka phuah ve leh chhawng a, a chhangchhe lutuk tur hian a tiphurawm letling" tiin, an hla chungchang a sawi. Hetih rual hian Mizoram chanchina 1960 leh 1966 kum pawimawhna tarlan nawn leh a nih beiseina sang tak a neih thu a sawi bawk. '1960' music video hi youtube lamah en tur a awm thuai dawn e. -Vanglaini
Post a Comment