BJP Mizoram Pradesh president Prof. JV Hluna chuan, Mizorama sorkarna chelh tawhte'n leiba tam tak an hnutchhiah nia sawiin, Mizoramah BJP a sorkar a nih chuan Mizoram sorkar leibáte chu sorkar laipuiin ngaihdam a tiam niin a sawi.
Prof. JV Hluna hian nimin khan an party pisaa inkhawmah thu sawiin, "Bat tam hi changkanna ti hial a min ṭawng khumtute vote hi Mizo mipuite'n kan ba lo," a ti a; BJP-in Mizoramah sorkarna an chelh a nih chuan Union Home minister Rajnath Singh-a'n Mizoram leibate ngaihdam a tiam tawh nia sawiin, "Mizoram hian leiba nei loin BJP sorkarna hnuaiah bung thar kaiin bul kan ṭan ṭha leh thei a ni," a ti.
BJP President chuan, Mizoram sorkar hnathawkte 7th. Pay ngiata an nuar mek chu thil vanduaithlak a nia sawiin, "Kum 2016 January-a commissioned ni tawh si, vawiin thlenga hman a la ni lo hi BJP kan sorkar hunah hman nghal a ni ang," a ti a; Counter Insurgency and Jungle Warfare, Vairengtea mi chu Defence University ni turin rawtna neih mek a nih thu a sawi bawk.
Post a Comment