Home minister R Lalzirliana chuan, tun dinhmunah Mizoram sorkar police-ah hna ruak 2,627 a awm thu nimin khan Assembly House a hrilh.
MNF member Dr K Beichhua zawhna chhangin Home Minister chuan, police constable (unarmed branch) 75 leh constable 350 lak hna buaipui mek a nih thu a sawi a, "Hna diltu mi 12,460 an awm. Tunah hian written test endik mek a ni a, cross examination tih vek a ni a, fair taka tih kan tum.  December 11 velah written result puan tum a ni a, interview-in a zui mai ang," a ti.
Dr K Beichhua'n Aizawlah chauh physical test tih a nih avangin, sum tam tak sêngin khaw hrang hrang aṭanga hun eng emaw chen Aizawlah an châm thu a sawi chungchangah R Lalzirliana chuan, "A tirah pawh district tina physical test tih tura ngaihtuahna sen a ni a, mahse, hna lak tur a tlem avangin Aizawlah chauh tih a ni ta a ni," a ti a; lak leh hun a awm chuan district tinah physical test kalpui tum a nih tawh thu a sawi.

Post a Comment

Powered by Blogger.