DAN LO (FAKE) A SCHOLARSHIP DILTU CHAKMA LEH TUIKUKTE LAKAH
 MSU IN FIR THEHLUT DAWN

MIZORAM SCHOLARSHIP CHUNGCHANGA MSU PRESS RELEASE

MSU General Headquarters, Aizawl chuan Tribal Scholarship dan lova diltu Chakma leh Tuikukte chu hrechhuakin, Dan anga hrem an nih theihnan dt.23.11.2017 hian FIR thehluh nise kan ti.

Kumina Tribal Scholarship diltu zingah a lem (fake) a diltu Chakma leh Tuikuk an awm a, hengte avang hian Scholarship kan lak pawh a tlai duai phah thei a. Mizo zirlai tamtakin Scholarship kan lak tlai phah chuan, heng Chakma leh Tuikuk ho vang hi a ni dawn a ni. Scholarship fake a diltute hian Aadhaar no. leh Bank Account no. pawh an dah vek a, chhuichhuah har lo tak tur a ni a. Heng dik lo taka titute man chhuah an nih theihna tur hian Institution lama thawktute leh Mizoram Scholarship Board ten uluk taka lo enzuiin, hma an la a, an chhuanawm hle a ni.

Heng Tuikuk leh Chakma dan lova Scholarship diltute hian Mizo zirlai Scholarship diltute min zah lo hle a, kan chanai pawh Dan lova ei duhna khawp rilru an nei hi MSU chuan kan dem takzet a, heng mite hi man chhuah a Dan anga hrem ngei an nih theih nan MSU chuan hma a la zel dawn a ni.

MPSC in tunhnaia MJS Exam a buatsaih a, mahni dik lohnaah pawh MPSC Court a khinga Mizote min zah lotu Dilip Kanti Chakma Court a dinsaktu leh Document dik lo Court a petu Joseph L Renthlei pawh vawiin khan Pu Vanlalengmawia MJS Court-ah inlanin Joseph L Renthlei hian Interim Bail a dila, a dil ang hian pek a ni. Tun hnuah kan Ukil-te pawh Hnamdang diklo taka Mizote min beitu tana dinsak tawh lo turin MSU chuan kan ngen a ni.

Post a Comment

Powered by Blogger.