Vawiin khan 24th Mizoram Open Wushu Championship 2017,  Haulawng a hawnna neihah  Pu P.C.Lalthanliana, Minister chuan khuallian niin a telpui.

P.C.Lalhlunmawia, vice president, Mizoram Wushu Association chuan hawnna inkhawm hi kaihruai in khuallian Pu P.C.lalthanliana, Minister chuan thu sawi in a bial chhung Haulawng khua ah he Wushu Championship an buatsaih chu lawmawm a tih thu sawi in, Mizoram hian kawng tam tak ah hma kan sawn a, infiamna lam ah pawh hmasawnna rahbi thar a kai a ni a ti. Mizo tepawh India leh Khawvel ram hriat a hlawh chho mek zel a, tunhma chuan inchai leh insuknawr tih vel bak infiamna kan hre lova, tunah chuan tunhma a infiamna kan hriat ngailoh ah pawh Khawvel kan deng tan mek zel a ni a ti. Infiamna lam a mi inpe te leh sawrkar tang dun in hma an la a, vawiin ni ah chuan mimal te a tak tak a hlawhtlinna kan neih theih phah a, tih tak tak na leh taihmakna nen a kal zel turin infiammite a chah a ni. Wushu hi kan hmelhriatna la rei lo mahse hma a sawn chak a, vawiin ah he championship a tel te pakhatna ni thei theuh turin duhsakna a hlan a ni.

Khual zahawm Pu K.lalawmpuia, Chairman, LDSC pawhin thu sawi in infiammite chu self decipline  kan nei tur a ni a, chumi chuan hlawhtlinna min hruai ah min hruai thleng dawn a ni a ti. Pu P.C.Dailova, president, Mizoram Wushu Association in infiammite Oath Taking laktir in, Pu KH.Tialthanga, VCP, Haulawng in thusawina tawi a nei bawk.

He 24th Mizoram Open Wushu Championship 2017, Haulang a hawnna neih ah hian Wushu player/member kum 2016 - 17 inkar a boralte sunna hun hman a ni a, he open ah hian infiammi 147 tel in, ni 27-30 November 2017 chhung in inelna neih a ni ang. -DIPR Mizoram

Post a Comment

Powered by Blogger.