Mizoram sorkar chuan Mizoram Public Service Commission (MPSC) member atan C Laldina, IPS a ruat thar. C Laldina hi Mizoram Police-a DIG a ni mek a, February 2018 tawpa pension tur a ni a; appointment order hi nimin khan tihchhuah a ni.MPSC chairman atan member ni mek Rev. Zosangliana Colney chu November 13, 2017 khan ruat a lo ni tawh a; November 13 vek khan member atan V Lalremthanga, IAS ruat a ni bawk. V Lalremthanga pawh hi February 2018 tawpa pension tur a ni.
Thu dawn danin, MPSC member hna hi sorkar hna dang nen thawh kawp theih a ni lo a; V Lalremthanga hian Mizoram sorkara secretary hna a chelh lai aṭanga voluntary pension-a chhuah a dil hnuah, nimin khan MPSC-a a hna thar a zawm. C Laldina pawhin Mizoram sorkar a a hna aṭangin voluntary pension-a chhuah a dil thuai dawn nia thu dawn a ni.
Post a Comment