Engvanginnge Kan Nuih Thin? WHY WE LAUGH? : Neuro Science

R. Lalneihpuii

Eng vangin nge kan nuih? A za ani mai alawm … chhanna dik ani thei angem? Anih leh enge ‘za’ tih tak chu?

Nikum june thla a chhuak American science journal pakhat chu ka chhiar a “why we laugh?” tih hi ka zu hmu a, ka mit ala nghal hle mai a, a ziak thui vak lova, mahse ka hriat chhunzawm chak zawng tak anih avangin heti ang lampang kaihhnawih(relavant) deuh hi lehkhabu ah leh internet ah te ka zawn chhunzawm ta a, ka bengverh zawng tak ani a,uluk deuh zawk leh chipchiar deuh zawkin mizotawng ngeia ziak Science magazine ah tih chhuah atan ka ti a, mahse Zonun chhuah hun alo ni leh tawh tho avangin kan thai lang ange.

Heng zawhna te hi han chhiar la, ngun takin han ngaihtuah chhin teh le. Fiamthu ngaihthlak hi mi tu pawhin nuam kan ti a, thusawi tho a ni a,fiamthu anih tak avang khan engati nge min tih hlim bik em em? Enga tinge kan nuih a zat hian ring tak taka kan nuih uar uar thin? Fiamthu thenkhat in kan nuih ati za viau a, thenkhat erawh chuan ati za miah lo, eng vang nge? Fiamthu thenkhat chu hmana kan lo hriat tawh pawh ni se kan han hriat nawn leh khan za lutuk tak maiin kan la nui hawk hawk(die-laughing) thei a, mahse thenkhat erawh chu vawikhat kan hriatna ah kan nuih a za viau a, mahse an sawi nawn lehin kan nuih a za tawh miah lo, eng vang nge ni ang? engvangin nge thilnung dangte hi an nuih a zat ve ngai loh? Why do we laugh – and laugh so long – when tickled?

Mi fa-te thil lo chhut peih dan hi a mak ngawt mai. Keini chu kan nuih a zat chuan kan nui hawk hawk mai a, thenkhat insum theilo deuh phei chu a hun leh hmun pawh pawisa theilo in kan nui kur kur thin ti rawh u? kan nuih za a reh a, kan ngaihtuah na ah a awm chhunzawm lem lo. Nuih aza a ni mai a, han zir chian vak tham a awm pawh kan hre lemlo a, zir a tulna pawh kan hre lem lo. mahse nuihza tih ringawt ah pawh hian zir tur tam tak a lo awm a, mithiam tak tak te chuan research an lo bei mup mup anih chu. Hemi zirna hi Science peng pakhat NEUROSCIENCE tih ani.

Kan ngaihtuahna khawl chak tak mai kan thluak hian kan awm mai mai lai pawhin hna alo thawk mawlh mawlh renga. Kan hriatpui lem loh hian regular tak leh a rukte in thil buaipui alo nei reng ani. I thil tih mek lai kha a ngaihtuah reng laiin a dawt leha i tih leh tur kha enge tih ngaihtuahin alo buai lawk thin. Entirnan Mortor i lo chang ta a, Motor lo tlan i hmuh chuan i lo phar ding ang. Chumi hnu ah i lut anga i thu ang. Heti anga tihdan tur indawt thlapa kan hriatna hi kan thluaka thil lo awmtur lo ngaihtuah lawktu a awm vang ani. Hetia kan thluakin alo beisei lawk leh kan va tawn tak inkarah danglamna (discrepancies between our expectations and our experience) alo awm chiah khan tum nasat lehzualna/ phurna min pe thin ani. Intlansiakna ah a hun tiam chhungin i thleng hman dawn emaw in tiin hah takin i tlan a, second tlemte in i thleng hman ta lo a. Thlen ngei i in ringa chu chu i expectation chu ani a, second tlemte in i thleng hmanlo a chu chu i experience chu ani a. Thlen tum em em mahse thleng hmanlo i ni tih i inhriat(discrepancies) khan tumruhna/phurna ape ang che nga, i tlan nawn leh anih chuan a hma aia nasa zawkin i tang tawh ngei ngei ang.