Peoples Right to Information and Development Imple­menting Society of Mizoram (PRISM) to Peoples Representation for Identity and Status of Mizoram (PRISM)

NGO ni ṭhin, Peoples Right to Information and Development Imple­menting Society of Mizoram (PRISM) chu Inrinni khan political party-ah an inlet a, an hming pum pawh thlakin, Peoples Representation for Identity and Status of Mizoram (PRISM) tih an invuah.

PRISM thuchhuah chuan, political party anga an inthlak tak chung­changah, Mizorama po­litics kalphung siamṭha tur leh kum 2018-a MLA inthlanpui awm turah mipui nghah leh beisei ang sorkar din tura inlet an nih thu a tarlang.

Kum 2006-a din PRISM thuchhuah tarlan danin, November 3, Zirtawpni khan Special General Assembly neiin, March 22, 2017-a an inkhawmpui lian vawi 13-nain, 'Mizorama poli­tics kalphung siam-

ṭha tur leh kum 2018 MLA inthlanpui aṭanga Mizorama sorkar ṭha a din theih nan PRISM-in hma la rawh se,' tia thu an dah bawhzuiin, an kal zel dan tur leh hmalak dan turte an thlir a; an hming thlakin, political party angin an indin ta a ni.

PRISM president Vanlalruata chuan, kum 12 chhunga an hmalakna leh thawhte sawiin, “Kan inkhawmpui hnuhnung ber thutlukna anga politics hawia hma kan lak hian kan ram leh hnam tan hlâwk zawkin rawng kan bâwl thei tih kan thawhrahin a tichiang a. Kan hmalaknate sorkarin a tihhlawhtlin duh loh vanga kan beidawn rum rum ṭhin laiin, politics hawia hma kan lak chinah kan nawr lam apiang a hlawhtling ta zel a ni," a ti.

PRISM hi political party-a an inleh hnuah pawh hruaitu ngaite'n an hruai zui zel dawn a ni.