1. Kan hriat ṭhan sa a ni: Sap ṭawngah Ṭ aia tr a rikna a tam sa em em : traffic, tremendous, try, transform, trouble etc. Sap ṭawngah Ṭh aia thr hmanna ve thung aw : three, through, thresholds, thread, thrilling, throttle etc. TR leh THR hman theihna rengah engvanga ṭ nei hrang kher nge kan nih tih hi zawhna lian tak a ni.
2. Mizo hawrawp a inang khat ang (Consistency) : Mizo hawrawp pahnih dah tlan hmanga hawrawp mal fawm: ng, ch, aw te kan nei thova, Ṭ aiah tr emaw thr emaw kan hman hian kan nihna a bo phah dawn lova, ng, ch, aw te huangah an awm ve mai dawn a ni. Keimahni leh keimahni chawibelh awm miah lovin awlsamna kan insiam a lo ni dawn bawk. Ṭ hawrawpa kan lo nei hi a, aw, b siam tu te tihsual palh (design flaw) angah I ngai ila, mihring ve tho an nia, design flaw siam ṭhat hi a pawi nachhan tur a awm lo. Conservative viau pawh hi a ṭul ber lo.
3. Tunlai khawl kan neih hmang ten chhut a har hle : Comment section ah ṭhenkhat chuan android keyboard app eng eng emaw chu in rawn suggest leh dawn tih ka chiang. Mahse third party Android keyboard app hmanga chinfel chi ziazang a ni lo. Third party app te hi mimal tinin duh bik (preference) kan nei ṭheuh a, hman ngei ngei tur anga dah chi a nih lo. A thuhrimah Android kher lo iPhone te, Windows Phone te pawh a niang chu kan hum fer fur ang, heng phone te aṭang phei hi chuan harsa tak a ni dawn. Computer aṭangin chhut a har hle bawk. Hei tunah pawh computer aṭangin ka rawn chhu a, ṭ hmanna apiangah ka copy paste ziah mai. Hne tak ka ni.
4. Nakin hun rei tak thlengin official support tak tak a awm hmel loh : Mizo te hi kan tlem em avangin computer keyboard siam company dell, logitech etc te hian ṭ awm ve na layout min rawn siam sak a rinawm viau loh. An rawn siam pawhin min ti buai zawk mah maithei a ni. Keyboard layout te hi awmze nei taka rem an ni si a, duh duh hawrawh custom deuha an rawn rem ve ringawt chuan kan bahlah phah mai mai zawk dawn. Phone ah pawh nise official in Android emaw, iPhone emaw te hian Mizo layout an rawn support tir a rinawm loh hle bawk. Kan buaina a ni reng dawn tih a chiang em em ani.
Online a mizo thu ziak hrang hrang te ka chik kual vel a, ṭ kan hman dan a inang lo nuaih mai. ṭ (a hnuai dot), tr, ț (a hnuai kawma), t (t pangai ve tawp) te kan hmang kat nuk mai. Hetianga kan mizo hawrawp a lo inang lo ta nuaih mai hi tu thiam loh mah niin a lang lova, mizo ṭawng leh hawrawp te standardize tu bik sawpṭawng in oxford a neih ang hi kan neih ve loh vang a ni. MZU emaw hian official in ṭawng belh leh tihdanglam hret hret kawngah thuneihna neih sela a ṭha dawn mange.
Post a Comment