Krismas vuakvêtah Aizawl khawpui veng hrang hranga veng thahnemngaiten an veng chhung kawn remchang lai mipui hmuhnawm tih turin an chei thin a. Veng hrang hrangin sum, hun leh tha senga naupang, mimal, chhungkua leh mipui nawlpuite hmuhnawm tih tura kawn hrang hrang an chei thin hi Mizoram Sorkar chuan thil tha tak a ni tih hriain leh Veng hrang hrangte inpekna ropui a ti a, a fak a ni.
Hetianga mipui nawlpuiten Krismas hunpui lo thlengah khawlaite nuam taka an lên theihna tura khawtlang hruaituten mahni veng theuh chei hna an kalpui thin leh inelna tha leh thianghlim an kalpui thin hi a lawmawm a. Home Minister kaihhruai Coordination Committee on Traffic Management-in UD&PA a ngen angin UD&PA Department chuan kumin Krismas vuakveta Aizawl khawpui chhunga veng hrang hrangin an veng chhung kâwn an chei mawite chu lawmman pakhatna atanga pathumna thleng a siam dawn a. Hemi atan hian Aizawl khawpui chhunga Vêng hrang hrangte tel theuh turin UD&PA Department chuan a sawm a, a hnuaia mi ang hian lawmman siam a ni ang. Hetiangin:AIZAWL KHAWPUI CHHUNG KAWN CHEI LAWMMAN
1) Pakhatna - Rs.1,00,000/- (Rupess One Lakh)
2) Pahnihna - Rs.70,000/- (Rupees Seventy Thousand)
3) Pathumna - Rs.50,000/- (Rupees Fifty Thousand)
Post a Comment