Vawiin khan School Education Minister Pu H. Rohluna chuan Tourist Lodge-ah NERIST Mizo Zirlai Pawl (NMZP) buatsaih magazine “Zorampar” 8th publication chu a tlangzarh.
School Education Minister Pu H. Rohluna chuan NERIST atanga zirchhuak sawrkar, ram leh hnam tana mi tangkai tak tak an awm zel chu lawmawm a tih thu a sawi a. Intodelh tur chuan lehkha zirlai atanga hmalak zel dan tur ngaihtuah a tul thu sawiin tunlai inelna sang tawh takah hlawhtling tur chuan theihtawp chhuaha tan lak a ngaih thu a sawi a. NEDP hnuaiah mahni kutkawiha mithiamten an in tundina, midangte tan pawha eizawnna an siam zawk theihnan sumdawnna lam (Entrepreneurship) ngaih pawimawh a nih thu sawiin hetiang lamah te rilru ngaihtuahna seng turin zirlaite chu a chah a. Minister chuan zirlaite chu hnam dang zinga lehkha zira an awmnaah Mizoram hmel tilangtu Mizoram aiawh an nih anga ram leh hnam chawimawia an nun dan uluk turin a chah bawk a, hnam dangte tih theih leh thiam ang an ti ve thei vek ani tih hria in khum zawk tura tan la zel turin a chah bawk a ni.NERIST Mizo Zirlai Pawl (NMZP) Buatsaih Magazine “Zorampar” 8th Publication School Education Minister in Tlangzarh
Magazine tlangzarhna inkhawm leh Nerist Alumni Association of Mizoram (NAAM) Annual meeting hi Er. Lalsanga President NAAM chuan kaihruaiin, NMZP leh NAAM report ngaihthlak a ni a, Zorampar Editorial Board chuan Magazine preview an nei bawk a. Kum 2012-2017 chhunga member chatuan ram pan ta te sunna neih anih bakah NAAM Life Member pasarihte hnenah Life Member Certificate sem nghal a ni bawk.
NERIST (North Eastern Regional Institute of Science and Technology) hi kum 1986 khan India hmar chhak state te puala Engineering leh Science lam zirna atan India ram sawrkar chun Nirjuli, Itanagar, Arunachal Pradesh-ah a din a. NERIST atang hian kum 1992 atang khan kum tin Mizo zirlai engemawzatin engineering Degree neiin an pass chhuak thin a. Vawiin function hi NERIST-a zirlai mek leh zir chhuak tawh ten a huhova an buatsaih niin hetiang hian a khat tawkin intawh khawmna mumal tak an lo siam tawh thin a ni.-DIPR
Post a Comment