Chhingchhip M/S-I golden jubilee lawmChhingchhip Middle School-I chuan nimin khan an sikul kum 50 tlin, golden jubilee an lawm a, bialtu MLA Lalrinawma’n a hmanpui. Lalrinawma chuan, zirlaite chu an awmna hmunin an rilru thlak lo se a duh thu a sawi.
Tuikum bialtu MLA chuan zirlaite fuihna thu sawiin, “Kan awmna hmun hian kan rilru hi thlakthleng suh se. Thingtlanga kan awm avangin kan rilru puthmang hniam bik lo se a duhawm hle,” a ti. Chhingchhip M/S-I chhuak Dr Sawmliana chu Mizoramah lung hâl tur lian tham a awm chuan chah chhuah ziah a ni tih sawiin, “Ani bakah mithiam tak tak chhuak an ṭhahnem tawh hle. Chuvangin, kan awmna hian kan rilru puthmang delh bet lo se, thingtlang naupang kan nih avangin kan hniam bik lo,” a ti.
MLA Lalrinawma hian Chhing­chhip M/S-I golden jubilee monument a hawng a, zirtirtu ni tawh leh zirlai an nih laia thite sûnna hun hman a ni a, tlaiah jubilee ruai an ṭheh a ni.
Chhingchhip M/S-I hi April 1, 1967-ah hawn ṭan a ni a, zirtirtu panga leh zirlai 50 an awm mek a ni.

Post a Comment

Powered by Blogger.