PM Modi programme-ah Tel lo turin Mizo mipui an ngenPrime minister Narendra Modi chuan naktuk hian Mizoram a rawn tlawh dawn. Hetih lai hian, NGO Coordination Committee (Joint NGO) chuan, PM Narendra Modi-a'n December 16, 2017-a Lammuala hun a hmannaah kal lo turin Mizo mipui an ngen. 
Joint NGO hruaitute chuan Prime Minister-in Mizoram a rawn tlawh tur chungchang hi nimin khan an ngaihtuah a; Prime Minister-in Mizoram a rawn tlawh tur chu lawmawm an tih rualin, darkar khat pawh châwl loa Mizoram a rawn tlawh tur chu hriatthiam har an ti a, "Mizo mipuite min hmuhsitnaah kan ngai a ni," an ti.
Mizo mipuite aiawha thu thlenna hun pawh awm loa PM Narendra Modi-a'n Mizoram chhûn pelh a tum chu hriatthiam har an tih thu tarlangin Joint NGO chuan, "Heti taka Mizo mipuite tana hun nei lo chu Prime Minister programme Lammuala neih turah pawh Mizo mipui zawng zawng kal lo turin kan inngen a ni," an ti a; PM Modi chu hun tam zawk Mizoram tana a pek theih hunah ṭha taka lo lawm zawk an duh thu an tarlang.
Ruahman lâwk ang chuan, PM Narendra Modi hi kawlphetha megawatt 60 pe chhuak thei tur Tuirial Hydro Electric Project hawng turin December 16 hian Mizoram a rawn tlawh dawn a, Tuirial HEP hi Lammualah a hawng dawn a ni. 
Prime Minister Modi hi December 16-ah Lengpui Airport aṭangin helicopter hmangin Ṭhuampui Helipad a pan ang a, helipad aṭangin motor-in Lammual a pan ang. Lammualah hian Tuirial HEP hawn paha thu a sawi hnuah, Meghalaya panin Mizoram a chhuahsan leh nghal dawn a ni.
Hetih lai hian, Saipûm khaw mipuiin an chanvo tur ang chang loa an inhriat vanga Prime Minister-in a hawn tur Tuirial Hydro Electric Project hawn an dodal chungchangah, hna thawktu NEEPCO hotute nen inremna an siam tawh. 
Inremna an siam ang chuan, NEEPCO hotute'n Saipum khaw mipui tan a thlawna power supply pek chungchang an ngaihtuah ang a, chumi hnuah Mizoram sorkar nen an inbe leh ang. Mizoram sorkar leh NEEPCO hian kawlphetha siam chhuah aá¹­anga Mizoramin a chan tur 12% aá¹­angin nge, a dang aá¹­angin Saipum khua chu a thlawnin kawl­phetha an pek ang, tih an rel dawn a ni. 
NEEPCO chuan, unskilled work/ job leh contract hna Rs. 2,00,000 hnuai lam chinah Saipum mipui a duhsak bik ang, tih a awm bawk. Inremna siam a nih tâk avang hian Saipum khaw mipuite chuan December 13, Nilaini aá¹­anga Tuirial HEP panna kawng an dan chu an titawp nghal a ni.  -Vanglaini

Post a Comment

Powered by Blogger.