Guns N Roses Official Tribute Band, Guns 2 Roses chuan nimin khan Aizawl an lo thleng.
G2R-te hi December 8, Zirtawpni tlai dar 5:30-a Bawngkawn Field-a neih tur 'Royal Stag Aizawl Rock Fest'-ah an inlan dawn a ni. Khawvela tribute band ṭha ber pawla sawi hian London aṭangin India an rawn lut a, Aizawla concert neih tur hian nimin chawhnu khan Lengpui Airport an lo thleng a ni.
G2R hi GNR kehdarh lai kum 2002-a din kha a ni a, hemi kum vek hian GNR hmingin tour an nei zui. Hemi hnu kum 2006 leh 2012 te khan GNR original member-te nen tour hi an nei leh bawk.
Kumina Rock Fest neih turah hian tun hnaia mizo zaithiam boral ta pahnih - Michael M.Sailo leh C.Sanga te hriatreng nan Scavenger project leh Tribal Power te an zai dawn bawk. Ticket hi Rs.500/- leh Rs.1,000/- a ni a, dawr hrang hrangah zawrh chhuah a nih bakah, a hmunah lei tur a awm dawn bawk.
Post a Comment