Praise On 2016-a pakhatna R. Lalrinmawii (Arini) chuan 'Krawsah khan' tih hla hmangin Hontrade Ṭhazual Fakna-ah pakhatna a hauh leh. Kar hmasa khan a ṭum khatna atan dinhmun sang ber hi a lo hauh tawh a ni.
'Krawsah khan' tih hla hi October thlaa tihchhuah chauh ni mah se, Hontrade Ṭhazual-ah thlan a hlawh nghal hle. Thla khat awrh a liam tihah pakhatna a hauh nghal thei a, tunah chuan chart-ah a zawnin pakhatna a hauh ta a ni. A hla hi sap hla lehlin niin, a thu pawh a ṭha hle. Arini hian kuminah music video pakhat a tichhuak tawh a, nakkum kum tir lam khian tihchhuah leh a tum mek bawk.
Tun ṭum chart-a pahnihna hauhtu chu Dr. Zoa a ni a, hma a rawn sawn zel. Chart hnuhnung berah khan pathumna a ni a, tunah chuan pahnihna a rawn ni ve leh ta a ni. Pakhatna ni thei turin a dinhmun a ṭha hle a ni. One In Christ chuan hla pahnih hmangin top 10 an rawn luah a, 'Ka pa Lalram' tih chu pathumnaah awmin, 'Chibai i buk ang' tih chu 10-naah aawm bawk. Hetiang dinhmun luah thei hi an awm zen zen loh vangin a hlu bik hle a ni.
HONTRADE ṬHAZUAL FAKNA A zawna pakhatna hauh thei Arini
Thawhlehnaniropuia chu pali-na niin, a hnuai chiaha awm Jennie Lalruatfeli chu hmel thar a ni. Jennie hi chart hmasa lamah khan kan hmu lo a, tunah erawh pangana lai a rawn hauh a ni. David Vanlalpeka, Lalnunpuii Kawlni, Grace Lalchhanhimi leh Seraphic Choir te chu a sang 10 zingah an tel ve bawk.
HONTRADE ṬHAZUAL FAKNA
1. R. Lalrinmawii - Krawsah khan
2. Dr. Zoa - Hruaitu Isua
3. One In Christ - Ka pa Lalram
4. Thawhlehnaniropuia - Min hruai zel ang che
5. Jennie Lalruatfeli - Ka thinlung lawmna
6. David Vanlalpeka - Lalpa'n a sawm a che
7. Lalnunpuii Kawlni - Ka enna
8. Grace Lalchhanhimi - Rawngbawl tura chhandam
9. Seraphic Choir - Min chawi sang ṭhin
10. One In Christ - Chibai i buk ang
Post a Comment