Newsmax chuan kum dang ang bawkin America rama Kristian huhang ngah mi 100 (100 Most influential Christians) an thlang leh ta a. Billy Graham, Franklin Graham leh Joel Osteen te chu hming lang hmasa pathum an ni. Heng Kristian huhang ngahte hi kohhran hrang hrang atanga thlankhawm an ni a, kohhran hruaitu, politician, sumdawng, infiammi, zirtirtu, evangelist, filmstar, zaithiam leh hna hrang hrang thawkte an ni nawk hlawm.
Pakhatnaah hian evangelist ropui, kum 99 a upa, Billy Graham chu awmin pahnihnaah a fapa Samaritans Purse CEO leh BGEA CEO ni bawk Franklin Graham a awm a. Pathumna chu pastor sawihlawh tak, America rama kohhran lian ber Lakewood Church Houston hotupa Joel Osteen a ni. Pastor atanga Politics a lut, huhang ngah tak, Arkansas Governor ni lai Mike Huckabee chu palina a ni a, Christian Broadcasting Network (CBN) neitu leh American Center for Law and Justice dintu, Regent University CEO ni bawk Patt Robertson chu pangana a ni a, The Purpose Driven Life ziaktu leh Saddleback Church dintu Rick Warren chu parukna niinLiberty University President Jerry Falwell Jr. chu pasarihna a ni. Top 10 a hmeichhe lang awmchhun pahnih zinga pakhat Televangelist lar Joyce Meyer chu pariatna a ni a, America ram Vice President leh Kristian tha tak Mike Pence chu pakuana niin Movie prooducer Mark Burnett leh Roma Downey te nupa chu 10-na an ni.
Top 50 a hming langsar zingah Sarah Palin, John Hagee, Tony Perkins, Charles Stanley, TD Jakes, Paula White, Ravi Zacharias, Robert Jeffres, Loren Cunningham, Richard Land, Pat Boone, Samuel Rodriguez te an lang a. Top 100 a hming langsar zingah Phil Robertson, Jeremy Lin, Kirk Cameron, Tim Tebow, Dr Tony Evans, Jay Sekulow, Lee Strobel, Phillip Yancey, TobyMac, ken Ham, Russell Moore, Chris Tomlin, Ralph F Winter te an tel bawk a ni.
-Makedonia Weekly
Post a Comment