Mizoram Tourism leh Post Event Management Inc. te'n Winter Festival 2017 kal zela an buatsaih, Christmas Parade chu vawiin hian neih a ni dawn a, Chanmari kawn aṭangin ṭan a ni ang.
Krismas Parade hi dar 12 aṭanga ṭan tur a ni dawn a, Salvation Army Band-te'n hma hruai dawn a ni. Band-te hi Cosplayer rualten an zui dawn a, Cyclist leh Skater thiam tak tak te, Parkour leh lamthiam rualten an zui bawk ang. Kawngpui remchang laiah show hmuhnawm tak tak thlir tur a awm dawn a ni. Tun laia lam lar tak 'Panama Dance' chu Awmpui Thinchhia-a hoin mipuiin an tiphei mup mup bawk ang. Chanmari aṭng hian Zarkawt lam panin chhuah tur a ni dawn a, kal kwngah hian Krismas hla nalh tak tak sak a ni dawn a, lampui tur a awm bawk ang. Zarkawt aṭang hian Dawrpuiah phei tur a ni a, Bazar Bungkawnah kual tur a ni. Upper Bazar aṭangin Zarkawt Kawn lam pan leh tur a ni dawn a, Zarkawt kawnah hian programme pui ber hman a ni ang. He hunah hian ṭhalai talent nei ṭha tak tak ten an thiam thil an show dawn a, mit leh beng a tlai hle dawn a ni. He hunah hian U Got Talent-a mipui lawm hlawh zualte leh Boy Band - Young Exclusive Dreamers (YED) te an in lan bawk ang.
Mas Putar nen he kawngzawh runpui hi neih tura ruahman a ni a, a hmunah hian incheina tur lukhum leh thil dang lei tur a awm dawn bawk. Krismas kawngzawh runpuiah hian a duh a piang tel theih a ni.
Post a Comment