Zonet chuan Miss Mizoram thlanna a buatsaih leh dawn a, nakkum January thlaah audition neih ṭan a ni ang. Miss Mizoram 2018-a tel tumte tan hian form a lakchhuah theih tawh bawk.
Miss Mizoram 2018 Audition hi a tirah January 10-a neih tura ruahman a ni a, mahse remchan zawkna avangin January 17-ah neih a ni ang. Tel tumte tan Zonet Office aṭangin form a lak chhuah theih a, Zonet Website-ah download tur a awm bawk. Form hi January 15 thleng thehluh theih a ni ang. Miss Mizoram thlanna hi changtlung taka buaisaih leh tum a ni a, title winner phei hi Miss India-a tel turin theihtawpa hmalak pui leh a ni bawk ang.
MISS MIZORAM CONTEST 2018 - FORM LAKCHHUAH LEH THELUH A THEIH TA
Miss India Mizoram Rody H. Vanlalhriatpuii chuan, "Miss Mizoram 2018-ah hian Mizo nula ṭha ber berte tel se ka ti a, contestant an ṭhat hian a zahawmin engkimah hma kan sawn phah a ni. Miss India-a tel duh tan pawh kawng pawimawh tak a ni a, Mizo nulate hi Miss India kan nih theih pawh ka ring tlat a ni. Miss Mizoram organiser te an rintlak a, kawng engkimah min kaihruai a; beauty pageant zahawm leh changtlung tak kan nei a ni" a ti.
Miss Mizoram 2018 a tel thei chin te :
1. Mizorama cheng eng hnam pawh tel theih a ni a, residential certificate neih a ngai thung.
2. Kum 18-25 inkar an ni tur a ni.
3. Nula hnahkhat, pasal la nei ngai lo an ni tur a ni.
4. A tel turte hi 5’5” feet an tling tur a ni.
-Vanglaini
Post a Comment