Vawiin khan SDPO Lunglei Pu Zonun Thara, MPS kaihhruaina in SP’s Conference Hall, Lunglei-ah khawpui chhunga YMA, VC leh VDP hruaituten boruak ralmuang tak hnuaia Chrismas leh Kumthar hman anih theih nan leh mipui leh tar chak lo te an lo him zawk theih nan thawhhona tha tak nena hmalak dan tur an rel ho a ni.
He hun ah hian Pu Zonun Thara chuan Police leh Traffic duty dan tur te ruahmanna an siam te sawiin, Sawrkar in halpuah leh halmawi zawrh leh hal a khap ang in uluk tak a an vil mek dan te leh: silai lem a mu kap chhuak thei zuar an endik mek thu a tarlang a. Lunglei khaw chhung zawl lai lirthei tlan chak theih na lai ah a tul anga barricade siam a nih tur te leh Chrismas leh kumthar vuakvet ah hian veng hrang hrang ah Police duty tur dah an tum thu a sawi a ni.
YMA, VC leh VDP hruaitute pawh in veng chhunga duty dan tur leh duty post siam dan tur ruahmanna an siam te, an hmalak tawh dan te an sawi a ni.
Sawrkar in mipuite hnena ngenna leh hriat tirna a chhuah chu a tam thei ang berin veng chhung ah puanzar ni se tih a ni bawk.-DIPR
Post a Comment