AMWJU MEMBER-TE’N GOVERNOR AN HMUVawiin chawhma khan All Manipur Working Journalist Union (AMWJU) member, Churachandpur atanga lo kal te chuan Mizoram Governor Lt. Gen. Nirbhay Sharma PVSM, UYSM, AVSM, VSM (Retd.) chu Raj Bhavan-ah an hmu.


Manipur Journalist-te Leh Mizoram Governor Inkawm

Manipur Journalist-te Leh Mizoram Governor InkawmMizoram Governor Lt. Gen. Nirbhay Sharma chuan journalist-ten ram hmasawnna kawngah dinhmun pawimawh tak an chelh thu sawiin, mahni ram history kan zirchian a, engvanga hetiang dinhmun a ding nge kan nih hriat hmasak a tul a ni, a ti a. Chumi kan chian hunah chuan midangte thurawn tha tak tak kan pe thei dawn a ni, a ti. Sawrkar inrelbawlna fel a awm loh chuan ramin hma a sawn thei lova, remna leh muanna awm lohna hmunah phei chuan hmasawnna a tithuanawp leh zual a ni, a ti. Mipuiin nun dan hrisel zawk an neih theih nan ruihhlo leh zuk leh hmuam te do turin a sawm a. Inkal pawhna tha chu hmarchhak biala ramte tana hmasawnna bulpui a nih thu a sawi a ni. Heng ramte hian India ram tan tih theih tam tak an nei a, lungrual taka kan thawhho a ngai a ni, a ti. Governor chuan journalist-te chu khawtlang tana chhia leh tha hretute an nih angin, hlauh bik maw duhsak bikna tel lovin, sawrkar inring renga a awm theih nan thawk zel turin a chah a ni.

He hunah hian AMWJU member-te chuan an lo zin chhunga an thil zir te sawina hun an nei a, Governor hi thilpek an hlan nghal a ni. Mizoram Journalist Association (MJA) aiawhin President Pu Vanlalrema Vantawl chuan a tawiawm a ni.  -DIPR

Post a comment

Powered by Blogger.