Mizo Zaimi Inzawmkhawm (MZI) General Headquarters leh LPS Vision Production ṭangkawp chuan December 21 leh 22 hian LPS Auditorium-ah Mizo Rimawi Award an sem dawn, Live Telecast-a pekchhuah a ni ang.
Award sem hi felfai taka kalpui tum a ni a, inbuatsaihna pawh kalpui mek zel a ni. Mizoram chhunga Mizo chengte chauh ni lo, ram pawna Zohnahthlakten SMS hmanga an vote theihna tur ruahman a ni bawk. SMS hmanga vote theihna number chu 542423 a ni a, December 19 thleng a vote theih. Vote duhte chuan an vote duh category chu a lamtawiin hawrrawppuiin an chhu ang a, a piahah an vote duh hming chhut leh a, number tarlanah khian thawn mai tur a ni.
Category hrang hrangah nominee tihfel a ni tawh a, category 19 zinga category 15-te hi mipui thlan tur a ni. Category pali bik hi chu Technical Committee thlan tur a ni ang. Category hrang hranga nominee thlan chhuah nan hian Aizawl khawpui chhunga zirna-in hrang hrang leh District Capital leh khaw hrang hrangah questionnaire sem chhuah a lo ni tawh a ni.
Post a Comment